etwinings-is ტრენინგზე

 

ინფორმაციული და საკომუნიკაციო ტექნოლოგიების გამოყენება სასწავლო პროცესში

კურსის მიზანი

ტრენინგკურსის მიზანია საქართველოს სკოლების მასწავლებელთა პროფესიული განვითარება, ინფორმაციულ-საკომუნიკაციო ტექნოლოგიების ათვისებისა და გამოყენების კუთხით, რაც ხელს შეუწყობს სასწავლო პროცესში ისტ-ის ინტეგრირებას ეროვნული სასწავლო გეგმის მოთხოვნებისა და მასწავლებელთა პროფესიული სტანდარტების შესაბამისად.

მეთოდები:

კურსის მსვლელობა აგებულია აქტიური სწავლის ისეთ ფორმებზე, როგორიცაა: აქტიური ლექცია, სიმულაცია, როლური თამაში, დემონსტრირება, მართული პრაქტიკა, დამოუკიდებელი ვარჯიში და სხვ.

ტრენინგის სესიების ორგანიზების ფორმები: ინდივიდუალური, წყვილური, ჯგუფური მუშაობა. 

სამიზნე ჯგუფი:

კურსის სამიზნე ჯგუფს წარმოადგენენ საქართველოს საჯარო სკოლის მასწავლებლები. 

კურსის ხანგრძლივობა: 

32 საკონტაქტო სთ, 18 არასაკონტაქტო სთ, 

8 ტრენინგ-დღე, ერთი ტრენინგ-დღე - 4 სთ

წინა საკვალიფიკაციო მოთხოვნა:

იმისათვის, რომ მასწავლებელმა მონაწილეობა მიიღოს კურსში, მას უნდა გააჩნდეს შემდეგი კომპეტენციები: 

• ტექსტურ რედაქტორში მუშაობა; 
• ინტერნეტში ძიება; 
• ელ-ფოსტის მოხმარება. 

კურსის შედეგები:

კურსის წარმატებით გავლის შედეგად, მონაწილე:

1. გააცნობიერებს ისტ-ის გამოყენების მნიშვნელობას თანამედროვე, კონსტრუქტივისტულ-პედაგოგიურ მიდგომებზე დაფუძნებულ სასწავლო პროცესში;

2. შეძლებს ისტ-ის გამოყენებას სასწავლო ერთეულის (გაკვეთილი , თანამშრომლობითი სასწავლო პროექტი) ამოცანების შესაბამისად, კერძოდ:

• ისტ-ის გამოყენებას სასწავლო პროცესის დასაგეგმად;
• ისტ-ის გამოყენებას სასწავლო რესურსების მოსამზადებლად (შემუშავება, ადაპტირება, რედაქტირება და სხვ.);
• სწავლა-სწავლების წარმართვას ისტ-ით გამდირებულ სასწავლო გარემოში;
• მოსწავლეთა შეფასების მეთოდების/ინსტრუმენტების გამოყენებას ისტ-ის საშუალებით;
• მოსწავლეთა მიერ ისტ-ის გამოყენების შეფასებას;

3. შეძლებს ისტ-ის გამოყენებას მოსწავლეებთან, მშობლებთან და კოლეგებთან კომუნიკაციისათვის;

4. შეძლებს მასწავლებლის პორტფოლიოს წარმოებას ისტ-ის გამოყენებით;

5. შეძლებს ისტ-ის გამოყენებას პროფესიული თვითგანვითარების პროცესში. 

შედეგი თვალსაჩინოა, თუ მონაწილე მასწავლებელი: 

• ქმნის პერსონალურ ელ-პორტფოლიოს, რომელიც მოიცავს:

გაკვეთილის გეგმას შესაბამისი სასწავლო ციფრული ობიექტით (მაგ. პრეზენტაცია, ცხრილი, რუბრიკა/შეფასების სქემა, ბლოგი,და სხვ.);

• სასწავლო პროექტს, შესაბამისი სასწავლო ციფრული ობიექტით (ბლოგი,  და სხვა). 

შეფასება:

მონაწილეთა შეფასება ხდება შექმნილი ელექტრონული სასწავლო რესურსების (გაკვეთილის გეგმა, შეფასების რუბრიკა, პრეზენტაცია, პროექტის გეგმა) მიხედვით, რომელიც ატვირთულია მონაწილის პირად ბლოგზე.

მონაწილემ აუცილებლად (სრულყოფილად) უნდა შექმნას ტრენინგით გათვალისწინებული პორტფოლიო: 

• გაკვეთილის გეგმა
• გაკვეთილის პრეზენტაცია
• გაკვეთილის შეფასების რუბრიკა
• პროექტის გეგმა
• რესურსები გამოქვეყნებულია მონაწილის პირად ბლოგზე

„ინფორმაციულ-საკომუნიკაციო ტექნოლოგიების გამოყენება სასწავლო პროცესში“ - 32 საკონტაქტო სთ, 18 არასაკონტაქტო სთ, 2 კრედიტქულა

სერტიფიკატის მისაღებად: „ინფორმაციულ-საკომუნიკაციო ტექნოლოგიების გამოყენება სასწავლო პროცესში“ - მინიმუმ 28 საათზე დასწრება, ტრენინგით განსაზღვრული დავალებების წარმოდგენა ელექტრონულ ფორმატში (გაკვეთილის გეგმა, შეფასების რუბრიკა, პრეზენტაცია, პროექტის გეგმა), ელექტრონული პორტფოლიოს გამოქვეყნება პირად ვებბლოგზე. შეფასების რუბრიკა თან ერთვის  ტრენინგის გეგმას.